BMG-nyň Howpsyzlyk geňeşi, Yragyň Duhok welaýatynyň Zaho etrabynda guralan, asuda ilatyň ýogalmagyna sebäp bolan hüjümi ýazgardy.
BMG-nyň Howpsyzlyk geňeşinden berlen ýazmaça beýannamada, “Howpsyzlyk geňeşiniň agzalary, 2022-nji ýylyň 20-nji iýulynda Yragyň Duhok welaýatynda guralan hüjümi berk ýazgardy. Hüjümde çagalar bilen birlikde asuda ilatdan 9 adam ýogalypdy” diýildi.
Beýannamada “Howpsyzlyk geňeşiniň agzalary, hüjümde ýogalanlaryň hossarlaryna, yragyň hökümetine we Yragyň Kürt Awtonomiýasyna uly gynanç bildirýär, hüjümde ýaralananlara gyssagly şypa dileýär” diýildi.
Beýannamada, “Howpsyzlyk geňeşina agza ähli döwletler terrora garşy göreşde Yragyň hökümetine, Yragyň garaşsyzlygyna, özygtyýarlygyna, jebisligine we bitewiligine goldaw berýär”diýildi.
Yragyň Duhok welaýatynyň Zaho etrabynda 20-nji iýulda guralan hüjümde 9 adam ýogalypdy, köp sanly adam hem ýaralanypdy.