Bütindünýä Saglygy Goraýyş Guramasynyň habaryna görä, 2023-nji ýylyň başyndan bäri mergi keseli dünýäniň 29 ýurdunda hasaba alyndy we olaryň sany 582 müň adamdan geçdi.
Netijede, keselden 4,5 müň adam pida boldy diýip, guramanyň maglumatyna esaslanýan TASS habar berdi.
Ýagdaý bilen baglylykda, BSGG merginiň ýaýramak howpunyň diýseň ýokarydygyny duýdurdy. Muňa keseliň öňüni almak üçin sanjymlaryň we beýleki derman serişdeleriniň ýetmezçiligi hem täsir edýär.
Mergi keseli, esasan, Afrika yklymynda çalt ýaýraýar. Ýylyň başyndan bäri yklymda kesel 16 ýurtda hasaba alyndy.