Sportuň 3 görnüşini ýüzmegi, welosporty hem-de ylgamagy özünde jemleýän triatlonda ýeňijiler belli boldy. 2000-nji ýylda maksatnama girizilen triatlonda erkekleriň arasynda Beýik britaniýaly Aleks Li pellehana 1 sagat 43 minut 33 sekuntda gelip, altyn medaly eýeledi.
Ol Täze zelandiýaly Haýden Waýlddan 6, fransiýaly Leo Beržerden 10 sekunt öňe saýlandy.Li Tokioda kümüş, Waýld bolsa bürünç medal gazanypdy.Bu soňky 4 Olimpiadada britaniýaly triatlonçylaryň 3-nji çempionlygydyr.
Zenanlaryň arasynda ýer eýeleri Fransiýadan Kassandra Borgan ýaryşy 1 sagat 54 minut 55 sekuntda tamamlap, altyn medala mynasyp boldy. Ol bu ugurda Fransiýa Olimpiýa altyn medalyny gazandyran ilkinji triatlonçy hökmünde bellige alyndy. Şweýsariýaly Žuli Derron 2-nji, britaniýaly Bet Potter 3-nji orny eýeledi.