UEFA Çempionlar ligasynda 1/8 finalyň jogap oýunlarynyň 4-si oýnaldy. Şol oýunlaryň 3-sinde myhmançylykdaky toparlar 21 hasabynda ýeňiş gazandy.Soňky çempion “Real Madrid” ýoluny ynamly ädimler bilen dowam etdirýär.
Ispan topary myhmançylykda-da PSŽ klubundan 21 hasabynda üstün çykyp, yzly-yzyna 8-nji, umumylykda 16-njy ýola çärýek finala çykdy. Ýadyňyzda bolsa, Madriddäki duşuşykda “Real” 31 hasabynda ýeňipdi.
Pariždäki duşuşyga ýer eýeleri Neýmaryň ýoklugynyň oňaýsyz täsiri bilen çykdy. 1-nji ýarymy golsuz geçen oýnuň 51-nji minutynda Ronaldo kelle urgusy bilen hasaby açýar.Super ýyldyz bu ýaryşdaky yzly-yzyna 9-njy oýunda (şu möwsümde 8) tapawutlanyp, Ruud Wan Nistelrooýyň rekordyny gaýtalaýar. 65-nji minutda ýer eýeleriniň italýan ýarymgoragçysy Marko Werratti 2-nji saryny alyp, meýdançadan çykarylýar. 71-nji minutda Edinson Kawani hasaby deňleýär. 80-nji minutda-da Kasemiro oýna soňky nokady goýýar. Şeýlelikde, PSŽ Ýewroligalardaky soňky 47 duşuşygynda öz meýdançasynda 2-nji gezek utulýar.
Yzly-yzyna 2-nji gezek 1/8 finalda utulan PSŽ topary Ýewrokuboklarda ýeňiş gazandyrsyn diýlip, Loran Blanyň ornuna wezipä bellenen Unaý Emeriden ozal bassyr 4 gezek çärýek finala çykypdy.
Bu duşuşykda çykyş eden Karim Benzema Çempionlar ligasynda 100-nji oýnuny oýnap, ol bu görkezijä ýeten 11-nji “really” futbolçydyr.
3 MINUT ÝETERLIK BOLDYTurinde 22 deňme-de oýnan “Tottenhem” bilen “Ýuwentusyň” “Wemblidäki” jogap duşuşygy diýseň çekeleşikli geçdi.Turuwbaşdan oýun babatda ýer eýeleriniň üstünliginde geçen duşuşykda Ýewroligalarda has tejribeli bolan “Ýuwentus” ýeňiş gazanmagyň hötdesinden geldi.
Birnäçe amatly pursatdan peýdalanyp bilmedik ýer eýeleriniň koreýaly hüjümçisi Son Hyn Min 39-njy minutda hasaby açýar. 2-nji ýarymda-da ýer eýeleriniň hüjümleri az bolmaýar.Emma gollary italýan toparynyň oýunçylary geçirýär. 64-nji minutda Gonzalo Higuain, 3 minut soňam onuň pasy bilen watandaşy Paulo Dibala şu möwsümde bu ýaryşdaky ilkinji goluny geçirýär.
Soňky 20 minutda “Tottenhem” hüjümlerini has-da artdyrýar.Hatda Keýniň kelle urgusyndan soň, top sütüne-de degýär. Ýöne iňlis toparyna hasaby deňlemek başartmaýar.Netijede, 2 oýnuň netijesi boýunça 43 ýeňiş gazanan “Ýuwentus” ýoluny dowam etdirmäge hukuk gazanýar. Şunlukda, tejribe ýüki ýetik, soňky 4 ýylda ýarym finallarda ilki “Realy”, soňkusynda-da “Barselonany” utup, 2 gezek finala çykan “Ýuwentus” argentinaly super ýyldyzlarynyň 3 minutda, has takygy, 2 minut 49 sekuntda geçiren gollary bilen ýeňşini baýram edýär.
Soňky 20 oýunda derwezesine 4 pökgi geçirden “Ýuwentusyň” şolaryň 3-sini “Tottenhem” bilen bolan duşuşyklarda toruna goýberendigini hem ýatladalyň.“Mançester Siti” 1-nji oýunda gazanan uly hasaply (40) ýeňşiniň arkaýynlygy bilen meýdança çykdy. Ýöne muňa garamazdan, iňlis topary 8-nji minutda Gabriel Žesus bilen öňe-de saýlandy.
Bu “Sitiniň” Çempionlar ligasyndaky 100-nji goly diýlip hasaba alyndy.Emma abraý üçin meýdança çykan “Bazel” Mohammed Elýunussiniň 17-nji hem-de Mihael Longuň 71-nji minutdaky gollary bilen ýeňiş gazanmagy başardy. “Mançester Siti” 2016-njy ýyldan soň, ilkinji gezek öz meýdançasynda ýeňlişe sezewar boldy.
Umumy hasapda 52 utan “Mançester Siti” 2-nji gezek çärýek finala çykdy.1-nji duşuşykda myhmançylykda 50 hasabynda ýeňip, çärýek finalyň bosagasyndan ädim äden “Liwerpul” öz meýdançasynda “Porto” bilen 00 deňme-deň oýnady. “Liwerpul” 6-njy gezek çärýek finalda çykyş eder.
“Arsenal” bilen “Atletiko” bir ädim öňdeUEFA Ýewropa ligasynda 1/8 finalyň birinji duşuşyklary oýnaldy. 3 topar myhmançylykda ýeňiş gazandy. Şolaryň birinde “Arsenal” güýçli garşydaşy “Milany” Mhitarýan hem-de Remsiniň gollary bilen 20 hasabynda utdy. “Borussiýa” (Dortmund) bolsa, öz meýdançasynda “Salsburgdan” 21 hasabynda asgyn geldi.
Madridiň “Atletikosy” hem Moskwanyň “Lokomotiwini” 30 hasabynda ýeňip, çärýek finalyň bosagasyndan ilkinji ädimini ätdi.Jogap oýunlary 15-nji martda oýnalar. Ýewropa ligasynyň çärýek finalynyň bijeleri 16-njy martda Çempionlar ligasynyň bijelerinden soň çekiler.