5-nji awgustda oýnalan Krystal Pelas-Arsenal oýny bilen Angliýanyň premýer-ligasynyň täze möwsümi badalga aldy. Möwsümiň açylyş oýnunda Artetanyň şägirtleri myhmançylykda Krystal Pelasy 2-0 hasabynda ýeňlişe sezewar etdiler. Topçulara ýeňiş getiren gollary 20-nji minutda Martinelli (möwsümiň ilkinji goly) hem-de 87-nji minutda Gei (öz derwezesine) derwezä ýolladylar.
6-njy awgustda premýer-ligada birinji tapgyryň duşuşyklary dowam etdiriler. Aşakda şenbe günki geçiriljek duşuşyklaryň tertibini size ýetirýäris: Fulhem-Liwerpul; Bornmut-Aston Willa; Nýukasl Ýunaýted-Nottingem Forest; Tottenhem-Sauntgempton; Lids-Wulwerhempton; Everton-Çelsi.