Le Soir: Düýn Belgiýanyň kenarýaka şäherleri syýahatçylaryň akymyna sezewar boldy: Ýerli häkimler bu ýagdaýyň kabul edilip bilinmejekdigini beýan etdiler.
Le Monde: Kowid-19: Her hepde 100 adamyň 1-iniň koronawirus bilen keselleýän Fransiýanyň Dýunkerk şäherinde we onuň töwereginde hepdäniň ahyrky günleri köçä çykmak gadagan ediler.
Le Figaro: Şweýsariýa 1-nji martdan başlap Kowid-19-a garşy göreşiň çäginde ýapyk bolan dükanlaryň, muzeýleriň we sport desgalaryň eserdeňlikli ýadaýda ýaňadandan açyljakdygyny habar berdi.
Deutsche Welle: Germaniýanyň hökümeti öz-özüňe edip bolýan Kowid-19 testini tassyklady.
Spiegel.de: Germaniýada takmynan 21 million adam koronawirus howpunyň astynda.
ard.de: ABŞ-nyň Kaliforniýa ştatynda koronawirusyň mutasiýa sezewar bolan görnüşi hasaba alyndy.
El País (Ispaniýa): Ispaniýanyň Saglygy goraýyş ministrliginden 8-nji mart bilen bagly duýduryşy: Hökümet 8-nji mart Halkara Zenanlar güni mynasybetli Madritde 500-den köp adamyň bir ýere jemlenmegini gadagan etdi.
El Uniwersal (Meksika): ABŞ-nyň Federal Derňew býurosy tussaghanadaky Hoakin Gusmanyň aýaly Emma Koroneli "Sinaloa" atly karteli dolandyrmak bilen günäkärleýär.
La Tersera (Çili): Koronawirusa garşy oýlanyp tapylan Sinopharm sanjymy ýakyn wagtda 3-17 ýaş aralygyndaky çagalarada edip bolar.
Al-Dustour (Iordaniýa): Waşington döwlet maksatnamanyň çäginde palestinalylary goldamaga dowam etjekdigi barada söz berdi.
Al-Kuds Al-Arabi: Öldürilen Saud Arabystanly žurnalist Jemal Kaşykçy bilen bagly habarnama şu gün çap edilip biliner we ABŞ-nyň Prezidenti Jo Baýden şu gün Saud Arabystanynyň Şasy Selman bin Abdülaziz Al-Saud bilen telefon arkaly söhbetdeş bolup biler.
Al-Kuds Al-Arabi: The New York Times: Siriýada ýoksullyk aşa derejede we zenanlar saçlaryny satmaga başladylar.
Russiýanyň TASS habarlar agentligi: Russiýanyň Goranyş senagaty kärhanasy Rosteh-iň ýolbaşçysy Sergeý Çemezow, Russiýanyň S-400 howa goranyş ulgamlarynyň Türkiýä satmagynyň NATO agza beýleki ýurtlaryň howpsuzlygyna zeper ýetirmeýändigini beýan etdi.
Kommersant Gazedi: Ermenistanyň Baş Ştabynyň 1-nji orunbasary Tiran Haçatran, ýurdyň Premýer ministri Nikol Paşinýanyň Garabag söweşinde Russiýadan alynan "Isgender" raketalarynyň peýdasynyň bolmandygy baradaky sözlerini tankyt edeninden soň wezipesinden çetleşdirildi.
Izwestiya Gazedi: Russiýanyň Daşary işler ministriniň orunbasary Sergeý Rýabkow, Russiýanyň dollara bolan garaşlylygyny azatlmalydygyny habar berdi.