Le Monde: Fransiýanyň Adalat ministri Erik Dýupon Moretta garşy bikanun ýagdaýda peýda görmek bilen bagly derňew işi başladyldy.
Le Soir: Belgiýada göz tussaglygynda ýogalan Afrikaly ýaş oglan üçin ýurdyň paýtagty Brýussel şäherinde geçirilen demonstrasiýada dartgynly pursatlar başdan geçirildi.
Le Monde: Parižiň kazyýeti Polisiýa gullugynyň 3 işgärini, aşa güýç ulanmak we rasizm sebäpli duýduryş berdi we hereketlerini ýazgaryp jeza berdi.
Deutsche Welle: Türkiýäniň Derman we lukmançylyk enjamlary guramasy, analizleri tamamlanan Hytaýyň "CoronaVac" sanjymynyň gyssagly ýagdaýda ulanylmagyny tassyklady. Sanjym tassyklananyndan soň CoronaVac sanjymynyň ilkinjisi Saglygy goraýyş ministri Fahrettin Koja edildi.
DiePresse.com: Bütindünýä Saglygy goraýyş guramasy: "Mutasiýaly koronawirus dünýäniň 50 ýurdynda hasaba alyndy" diýip habar berdi.
Tagesschau.de: Germaniýanyň Saglygy goraýyş ministri Ýens Şpan, koronawirus epidemiýasy bilen bagly çäklendirmeleriň fewral aýynda aýrylmagynyň gerekdigini belledi.
Al-Dustour (Iordaniýa): Ysraýylyň Siriýa guran hüjüminde 57 adam ýogaldy.
Al-Kudus Al-Arabi: ABŞ-nyň Prezidenti Donald Tramp, Amerikan taryhynda, özüniň wezipesinden çetleşdirilmegi üçin işi iki gezek Senata berilen ilkinji Prezident boldy.
Al Jazeera: Kanadanyň hökümetiniň Aragatnaşyk ministri wezipesine ilkinji gezek siriýaly bosgun bellendi.
Interfaks agentligi: Rus oppozisioner Alekseý Nawalnyý, dekabr aýyndan bäri Russiýada polisiýa gullugy tarapyndan gözlenýänleriň sanawynda durýar.
RBK habar saýty: Bank of Amerikanyň hünärmenlerine görä ABŞ-da saýlawda Jo Baýdeniň üstün çykmagy Russiýanyň bazarlaryna oňyn täsir ýetirip biler.
Lenta.ru habar saýty: Russiýanyň Döwlet baştutany Wladimir Putin, öňümizdäki hepdeden başlap Russiýada köpçülikleýin sanjymyň başladylmagy barada buýruk berdi.
El Pais: Ispaniýada hökümet garly tupanda zyýan ýeten adamlara ýardam beriljekdigi barada kepillik berdi.
TeleSur: Meksikanyň ABŞ-nyň Dallas şäherindäki Baş konsullygy, resmi Twitter hasabyndan, 2009-njy ýyldan 2018-nji ýyla çenli 19 müň 998 latino-amerikan raýatyň od açylyň öldürilendigini mälim etdi.