Türkmenistanyň Senagat we gurluşyk önümçiligi ministrliginiň Daşoguz şäherindäki Polimer önümleri zawodynda öndürilen polietilen hem polipropilen turbalaryň uly tapgyry baglaşylan şertnama esasynda sarp edijilere ugradylýar.
2023-nji ýylyň 3 aýynda zawod boýunça dürli ululykdaky turbalaryň 90 tonnasy, halk hojalygynda ulanylýan maýyşgak gurşawlaryň, azyk önümlerini salmaga niýetlenilen bir gezek ulanylýan gapjagazlaryň, bulgurlaryň we beýleki polimer önümleriniň hem 2 tonnadan gowragy öndürildi.
Ýyllyk kuwwatlylygy 920 tonna önüm öndürmäge barabar bolan kärhanada işçi-hünärmenleriň 90-a golaýy zähmet çekýär. Bu ýerde diametri 16 millimetrden 315 millimetre çenli ölçegli turbalaryň 23 görnüşi öndürilýär. Olar gurluşyklarda, lagym, suw geçiriji ulgamlarda giňden ulanylýar diýlip, Türkmenistan gazetinde habar berildi.