“Dior” fransuz brendi “Forbes Fashion Week-iň” ekologiýa baýragy bilen sylaglandy. Bu barada “WWD” žurnaly ýazýar diýip, gazeta.ru belleýär.
Parižde Trophee Forbes we OniriQ dabarasy geçirilip, onda “Dior” brendine ýaş dizaýnerleri goldamak üçin döredilen “Forbes France” baýragy gowşuryldy.Fransuz brendi bu baýraga kenarýaka eşikleriniň kapsula hataryny döredendigi üçin mynasyp boldy.
Moda öýüniň döredijilik müdiri Kim Jons ony ummanlary goramak boýunça täjirçilik däl gurama Parley for the Oceans bilen hyzmatdaşlykda döretdi. Şeýle-de, brendiň “Dior in Green” maksatnamasy tarapyndan kesgitlenen durnukly ösüş ugrundaky hereketleri hem bellenildi. 2019-njy ýyldan bäri Kim Jons Parley bilen Maldiwleriň, Dominikan Respublikasynyň we Şri-Lankanyň kenarlaryndan ýygnalan plastik galyndylaryndan we balykçylaryň enjamlaryndan täze ýüplük döretmek boýunça bilelikdäki gözleg taslamasynyň üstünde işledi.
Netijede, poliester döredilip, ol geçen ýylyň aprel aýynda çykarylan kenarýaka eşikleriniň hatarynda ulanyldy.