William Reed mediýa kompaniýasynyň Restaurant žurnaly dünýäniň iň gowy 50 restoranyny saýlady.Londonda geçirilen dabarada öňdeligi eýelän restoranlara baýraklar gowşuryldy.Dabarany amerikaly artist Stenli Tuççi alyp bardy.
Birinji orna Daniýanyň paýtagty Kopengagendäki Geranium atly restoran mynasyp boldy.Bu restoran ýurduň milli futbol stadionynyň sekizinji gatynda ýerleşýär.Restoran müşderilerine skandinaw aşhanasynyň tagamlaryny hödürleýär.Bu restoran geçen ýylky sanawda ikinji bolupdyr. 2021-nji ýylda-da birinji orny Daniýanyň paýtagtynda ýerleşýän Noma atly restoran eýeläpdir. Şeýlelikde, Daniýa yzly-yzyna iki ýylda bu sanawa adyny ýazdyrdy. Öňki ýyllarda hem Noma restorany birnäçe gezek bu sanawa adyny ýazdyrypdyr.
Central (Peru) ikinji, Disfrutar (Barselona) üçünji ýeri eýeläpdir.Ispaniýanyň Madrid şäherindäki Diverxo dördünji bolup, Meksikanyň paýtagtyndaky Pujol ilkinji bäşligi jemläpdir.Ispaniýanyň Bask sebitindäki Akspe şäherinde ýerleşýän Asador Etxebarri restorany altynjy bolupdyr.
A Casa do Porco (San-Paulo, Braziliýa), Lido 84 (Gardone-Riwýera, Italiýa), Quintonil (Mehiko, Meksika) we Le Calandre (Rubano, Italiýa) ilkinji onlukda özüne orun tapypdyr.Şeýlelikde, ilkinji onluga Ispaniýadan üç, Italiýadan we Meksikadan iki restoran giripdir.