Norwegiýanyň Milli kitaphanasynyň bilermenleri 1200-nji ýyllarda taýýarlanan kitabyň ýurduň iň köne kitaby bolup biljekdigini belleýärler. Kitabyň jildiniň düwleniň tüýli derisinden ýasalandygy bellenilýär. Kitap latyn dilinde ýazylypdyr. Eseriň birnäçe sahypasy ýitipdir.
Kitaphananyň bilermenleriniň bellemeklerine görä, golýazma kitabyň ýazgylarynyň birmeňzeş bolmazlygy we ýönekeý bolmagy ýerli senetçiniň ýasandygyny aňladýar. Şol döwürler Skandinawiýada kitaplar seýrek ýagdaýda düwleniň derisi bilen jiltlenipdir.Geçirilen barlaglara görä, Daniýa, Şotlandiýa, Grenlandiýa we Islandiýa ýaly kenarýaka ýurtlarda adaty düwlen (Phoca vitulina), grenland düwleni (Pagophilus groenlandicus) we garsagaýak düwleni (Erignathus barbatus) ýaly deňiz jandarlarynyň derisi kitabyň jildini ýasamak üçin ulanylypdyr.
Jemile Pirjikowa,
Beki Seýtäkow adyndaky Mugallymçylyk mekdebiniň talyby.