Ekwadoryň Prezidentliginden ýurduň Balao şäheriniň 6 km demirgazyk-gündogarynda başdan geçirilen ýertitreme bilen baglanşykly berilen beýanatda, ýaralanan adamlaryň sanynyň bolsa 446-a ýetendigi habar berildi.
Ýurtda ýertitremäniň iň köp zyýan ýetiren şäherleriň El Oro we Azuaýdygy we ol ýerde gözleg we halas ediş işleriniň dowam edýändigi mälim edildi.
Ýerli metbugatda berilen habarlara görä, ýertitremede azyndan 360 bina ýumruldy.
Ekwadoryň Döwlet baştutany Gilýermo Lasso, ýertitremäniň başdan geçirilen şäherlere sapar gurap: "Gözleg we halas ediş işleriniň tiz wagtda başladylyp bilinmegi üçin hökümet hökmünde gerek bolan ähli maliýe kömegi üpjün edildi. Çekilen zyýanyň anyklaýyş işleri başladyldy" diýip belledi.
Ýertitremäniň täsir ýetiren Peru döwletiniň demirgazygyndaky Tumbes şäherinde hem 4 ýaşyndaky bir gyz çaganyň ýogalandygy, 73 adamyň hem ýaralanandygy aýan edildi.