Duşenbe güni Ekwadoryň paýtagty Kitoda ilkinji metro işe başlady. Bu barada Ýerasty jemgyýetçilik ulagy ulgamynyň ýolbaşçysy habar berdi diýip, Trend ýazýar.
Kitumbe stansiýasyndan ýolagçyly ilkinji metro otlusy ugrady diýlip, habarda aýdylýar. Metronyň ilkinji ugrunyň uzynlygy 23 kilometre golaý, onuň ugrunda 15 duralga bar. Metronyň gurluşygy 10 ýyla golaý wagta çekdi. Onuň şäherde ýene iki ugrunyň peýda boljakdygy aýdylýar.
Deslapky maglumatlara görä, metropoliten Kitonyň ýaşaýjylaryna demirgazyk etraplardan günorta etraplara çenli aralygy 1,5 sagatdan 30 minuda çenli kemeltmäge mümkinçilik berer. Respublikanyň paýtagtynyň ilaty şäher etekleri bilen hasaba alnanda, 3 million adamdan geçýär.