Ýewropa Bileleşiginiň agza ýurtlary we Ýewropa Parlamenti emeli aňyň (AI) ulanylmagyny kadalaşdyrýan kanun barada ylalaşyk gazandylar. Bu barada ispaniýanyň Ýewropa Bileleşigindäki Geňeşiň wekilhanasy X jemgyýetçilik ulgamynda (öňki Twitter) habar berdi.
Onda emeli aň kanuny barada deslapky ylalaşygyň gazanylandygy bellenilýär. “Bu başlangyç Ýewropa Bileleşiginde satylan we ulanylýan emeli aň ulgamlarynyň howpsuz bolup, jemgyýetiň esasy hukuklaryna we gymmatlyklaryna hormat goýmaga gönükdirilmelidir” diýlip beýanatda bellenilýär.
Içerki bazar boýunça Ýewropa komissary Týerri Bretonyň aýdyşy ýaly, “Ýewropa emeli aň ulanmak boýunça anyk düzgünleri kesgitlän ilkinji yklymdyr”. Syýasatçynyň X jemgyýetçilik ulgamynda ýazyşy ýaly, “bu ýerde gürrüň Ýewropa Bileleşiginiň startaplary we barlag geçirijileri üçin meýdança barada barýar.
“El Pais” gazetiniň habaryna görä, jemgyýetiň agza döwletleri we Ýewropa Parlamenti üç gün dowam eden dartgynly gepleşiklerden soň ylalaşyk gazandy.Kanunyň teksti güýje girmezden ozal ol Ýewropa Bileleşigine agza ýurtlar we Ýewropa Parlamenti tarapyndan tassyklanmalydyr.
Käbir ugurlar has ir güýje girip başlasa-da, munuň 2026-njy ýylda bolup biljekdigine garaşylýar.Beýleki zatlar bilen birlikde, kanun çat-bot ChatGPT we real wagtda biometrik kesgitleýiş ulgamlary ýaly tehnologiýalaryň ulanylyşyny kadalaşdyrmaga kömek etmelidir.
Emeli aň barada şertnama baglaşmak 2024-nji ýylyň ýanwaryndan Belgiýa tarapyndan kabul ediljek Ýewropa Bileleşiginiň Geňeşinde Ispaniýanyň wekilhanasynyň ileri tutýan ugurlaryndan biri boldy.