Eýranyň Ýokary milli howpsuzlyk geňeşiniň baş sekretary Ali Şemhani bilen Ermenistanyň Milli howpsuzlyk geňeşiniň baş sekretary Armen Grigorýan özara gatnaşyklar we sebitara meseleler hakynda pikir alyşdy.
Eýranyň resmi IRNA habarlar gullugynyň berýän habaryna görä, Ermenistanyň Milli howpsuzlyk geňeşiniň baş sekretary Armen Grigorýan resmi sapar bilen Tährana bardy.
Eýranyň Ýokary milli howpsuzlyk geňeşiniň baş sekretary Ali Şemhani bilen Ermenistanyň Milli howpsuzlyk geňeşiniň baş sekretary Armen Grigorýan paýtagt Tähranda duşuşdy.
Şemhani duşuşykda özara gatnaşyklar we sebitara meseleler hakynda pikir alyşandyklaryny nygtap, ýurdunyň daşary syýasatynyň esasy ýörelgelerinden biriniň goňşulary bilen ýakyndan aragatnaşyk saklamakdygyna ünsi çekdi.
Şemhani, Eýranyň sebitara meseleleriň parahatçylykly ýagdaýda çözülmegi üçin ähli taraplara bilelikde tagalla edilmegini teklip edýändigini ýatlatdy.
Şemhani, sebitara kynçylyklaryň ortadan aýrylmagy üçin yzygiderli ýagdaýda aragatnaşyk saklanmalydygyny we dartgynlygyň möwjemegine sebäp bolup biljek hereketlerden gaça durulmalydygyny belledi.
Tahran bilen Ýerewanyň arasyndaky ykdysady gatnaşyklar hakynda hem durup geçen Şemhani, demirgazyk-günorta aragatnaşyk koridorynyň iki ýurduň arasyndaky söwda gatnaşyklarynyň ösmegine itergi berýändigini nygtady.
Kawkazyň ynjyk döwüren geçýändigine ünsi çeken Şemhani, Azerbaýjan bilen Ermenistanyň arasyndaky dartgynlygyň parahatçylykly ýagdaýda çözülmegini umyt edýändigini ýatlatdy.
Ermenistanyň Milli howpsuzlyk geňeşiniň baş sekretary Armen Grigorýan hem iki ýurduň arasyndaky energetika taslamasy bilen Ermenistan bilen Türkmenistanyň arasyndaky gaz çalşygynyň Tähran-Ýerewan gatnaşyklary taýdan diýseň möhümdigini belledi.
Grigorýan iki ýurduň arasyndaky ykdysady taslamalaryň durmuş geçirilmegi etabynyň depgininiň güýçlendirilmelidigini nygtady.