Eýranyň Azyk we derman senagaty gullugynyň başlygy Behram Daraýi, täze görnüş koronawirusa garşy öndürlen sanjymlaryň import edilmeginiň bes edilendigini aýtdy.
Daraýi, mesele hakynda beren beýannamasynda, ýurtda sanjymlama tapgyrynda ýetilen sepgit we ulanylýan sanjymlar hakynda maglumat berdi.
Habarçylardan biriniň “Daşary ýurtda Kovid-19 sanjymynyň satyn alynmagy gadagan edildimi?” diýen soragyna “Hawwa” diýip jogap beren Daraýi, “Daşary ýurtdan Kovid-19 sanjymynyň satyn alynmagy bes edildi. Üçünji doza sanjym hökmünde ýerli sanjyma ynam bildirýäris” diýdi.
Ýerli öndürijileriň aýda azyndan 15 million doza Kovid-19 sanjymyny öndürjekdigni ýatladan Daraýi, Eýranyň öndüren ýerli sanjymlarynyň Bütindünýä Saglygy goraýyş guramasy tarapyndan tassyklanmagy üçin degişli taýarlyklaryň görülýändigini ýatlatdy.