Futbol boýunça Türkmenistanyň Kubogy ugrundaky bäsleşigiň finalynda çykyş etjek toparlar belli boldy. Bu abraýa ýarym final duşuşyklarynda “Ahal” hem-de “Şagadam” toparlaryndan üstün çykan “Altyn Asyr” bilen “Köpetdag” toparlary mynasyp boldular.
Paýtagtymyzdaky “Nusaý” stadionynda geçirilen duşuşykda “Altyn Asyr” “Ahaly” 6:2 hasabynda ýeňlişe sezewar etdi.
Bu toparlaryň arasyndaky birinji duşuşyk hem paýtagtymyzyň toparynyň peýdasyna tamamlanypdy (2:0).
Türkmenbaşy şäherinde geçirilen duşuşykda ýerli “Şagadam” “Köpetdag” bilen geçiren duşuşygyny 1:0 hasabynda öz peýdasyna tamamlady. Ýöne, paýtagtymyzda geçirilen birinji duşuşykda “Köpetdag” uly hasap bilen (6:1) ýeňşini baýram edendigi sebäpli paýtagtymyzyň topary finala çykmagy başardy.
Şeýlelikde, aýgytlaýjy duşuşykda güýç synanyşmaga mümkinçilik alan “Altyn Asyr” bilen “Köpetdag” toparlarynyň arasyndaky final duşuşygy 9-njy dekabrda geçiriler.
Ýeri gelende bellesek, geçen ýyl ýurdumyzyň Kubok bäsleşigi Ýazguly Hojageldiýewiň tälim berýän “Altyn Asyr” toparynyň ýeňşi bilen tamamlanypdy.
Türkmenistanyň Kubogynyň ýarymfinalynyň jogap duşuşyklarynyň netijeleri:
“Şagadam” “Köpetdag” 1:0
Gol: 61 Hydyr Ýakubow (“Şagadam”)
Duýduryşlar: 28 Döwletgeldi Mirsoltanow, 82 Ýunus Orazmämmedow, 90+3 Begenç Guldurdyýew (“Şagadam”) 5 Möwlamberdi Goşşanow (“Köpetdag”)
Geçirilen ýeri: “Şagadam” stadiony (Türkmenbaşy ş.)
Duşuşygyň emini: A.Gurbanow (Aşgabat ş.)
Kömekçi eminler: P.Pälwanow (Daşoguz ş.), N.Garajaýew (Aşgabat ş.)
Ätiýaçdaky emin: Ş.Hydyrow (Balkanabat ş.)
Gözegçi emin: E.Ramazanow (Aşgabat ş.)
Birinji duşuşyk: “Köpetdag” “Şagadam” 6:1
“Altyn Asyr” “Ahal” 6:2
Gollar: 15, 29, 45+3 Mihail Titow, 47 Şamämmet Hydyrow, 57 Zafar Babajanow, 88 Begmyrat Baýow (“Altyn Asyr”) 86 Mirza Beknazarow, 87 Pirmyrat Sultanow (“Ahal”)
Bellik: Duşuşygyň 74-nji minutynda “Altyn Asyr” toparynyň oýunçysy Mihail Titow 11 metrlik jerime urgusyny nädürs ýerine ýetirdi.
Geçirilen ýeri: “Nusaý” stadiony (Aşgabat ş.)
Duşuşygyň emini: J.Jumamyradow (Aşgabat ş.)
Kömekçi eminler: Y.Kurambaýew (Daşoguz ş.), H.Abdyýazow (Daşoguz ş.)
Ätiýaçdaky emin: A.Goşşanow (Tejen ş.)
Gözegçi emin: R.Pälwanow (Daşoguz ş.)
Birinji duşuşyk: “Ahal” “Altyn Asyr” 0:2