Hokkeý boýunça Slowakiýada geçirilen 83-nji Dünýä çempionatynda Finlýandiýanyň ýygyndysy ýeňiji boldy.Finler finalda Dünýä çempionatlarynda 26 çempionlygy bolan Kanadanyň ýygyndysyny 3:1 (0:1, 1:0, 2:0) hasap bilen ýeňlişe sezewar etdi.
Ilki bilen hasaby kanadalylar açdy.Ony Şi Teador derwezä girizdi (10:02). 2-nji periotda finler Marko Antillanyň takyk urgusy bilen hasaby deňledi (22:35). 3-nji periotda bolsa, finler ýene 2 şaýbany güýçli garşydaşynyň derwezesine girizdi.
Olary Marko Antilla (42:35) bilen Harri Pesonen (55:54) öz atlaryna ýazdyrdy.Bu ýeňiş Finlýandiýanyň taryhyndaky 3-nji çempionlygy bolup, olar mundan ozal, 1995-nji we 2011-nji ýyllarda-da kubogy gazanypdy.
Finlýandiýa bilen Kanada toparçada-da duşuşypdy we şol duşuşykda hem ýewropalylar 3-1 hasabynda üstün çykypdy.Bratislawa we Koşise şäherlerinde geçirilen çempionatda Russiýanyň ýygyndysy 3-nji ýeri eýeledi.
Russiýaly hokkeýçiler bu ugurda çehlerden goşmaça wagtda 3:2 hasabynda üstün çykdy. Çempionatyň iň gymmatly oýunçysy (MWP) diýlip, kanadaly Mark Stoun saýlandy.Hokkeý boýunça nobatdaky çempionat geljek ýyl Şweýsariýada geçiriler.