Fransiýada emlägi bir million dollardan geçýän adamlaryň 2,8 milliondan gowragy ýaşaýar. Bu barada Şweýsariýanyň UBS bankynyň maglumatlaryna salgylanýan MIR 24 ýazýar.
Hasaplamalara görä, Bäşinji Respublikada millionerleriň umumy sanynyň 4,8 göterimi ýaşaýar. Sanawda öňdeligi Birleşen Ştatlar eýeleýär, bu ýurtda millionerleriň 38,2 göterimi bar. Sanawda ikinji orunda millionerleriň 10,5 göterimi, ýagny 6,23 million adam bilen Hytaý ýerleşýär.
Şunlukda, Fransiýa Ýaponiýadan, GFR-den we Britaniýadan saýlanyp, ilkinji gezek bu sanawda üçünji orna çyldy. Ady agzalan ýurtlarda millionerleriň görnetin azalandygy habarda bellenýär.
Bütin dünýäde millionerleriň sany 2022-nji ýylda 3,5 million azalypdyr. Bu ýagdaý 2008-nji ýyldan bäri ilkinji gezek hasaba alynýar.