Gazagystanda 3,5 müň obanyň ilatynyň ýaşaýyş şertleri gowulandyrylar. Munuň üçin serişdeler eýýäm bölünip berildi. Taslamany durmuşa geçirmek barada ýurduň hökümet ýygnagynda habar berildi diýip, MIR 24 ýazýar.
Obalary ösdürmek üçin taslama bu ýylda 143 milliard teňňe goýberildi, onuň maksady adamlaryň oňaýly durmuşyny üpjün etmekdir.
Taslamanyň çäklerinde oňat hilli ýollary, medeniýet, sport we saglygy goraýyş binalaryny, döwrebap mekdepleri gurmak, umuman, infrastrukturany ösdürmek göz öňünde tutulýar diýip, Gazagystan Respublikasynyň Premýer-ministri Alihan Smailow belledi.
Taslama sekiz million adama galtaşar. Ilkinji nobatda iň köp ilatly ýerleri döwrebaplaşdyrmak göz öňünde tutulýar, eýýäm Atyrau, Kostanaý, Demirgazyk-Gazagystan we Türküstan oblastlarynda taslama durmuşa geçirilip başlandy.