Türkiyäniň Milli Goranmak ministrliginden berilen beýanata görä NATO Liderler sammiti üçin Litwanyň paýtagty Wilnýus şäherine sapar guran Prezident Rejep Taýýip Erdogana ýoldaşlyk edýän Türkiyäniň Milli Goranmak ministri Ýaşar Güler Gresiýanyň Goranmak ministri Nikos Dendias bilen duşuşyk geçirdi.
Duşuşykda iki ýurduň arasyndaky gatnaşyklarda oňyn gün tertibiniň dowam etmeginiň we diýalog kanallarynyň açyk bolmagynyň ähmiýeti nygtaldy, Ynam artdyryjy çäreler maslahatynyň ýaňadandan başladylmagy babatyndaky ylalaşyk tassyklandy.
Milli Goranmak ministri Ýaşar Güler Litwanyň paýtagty Wilnýus şäherinde şeýle hem Italiýanyň Goranmak ministri Gwido Krozetto we Estoniýanyň Goranmak ministri Hanno Pewkur bilen duşuşyk geçiripdi.