Daşary işler ministrligine ýakyn çeşmeleriň berýän maglumatyna görä, Türkiýe Respublikasynyň Daşary işler ministri Hakan Fidan, Hamasyň Şura Mejlisiniň başlygy Muhammed Derwişiň ýolbaşçylygyndaky Hamasly wekiliýet bilen duşuşdy.
Duşuşykda Gazada yzygiderli parahatçylygyň ýola goýulmagy üçin edilýän tagallalar we Gaza ynsanperwer kömeginiň ýetirilmegi meselesi bilen birlikde sebitde başdan geçirilýän soňky wakalar ara alnyp maslahatlaşyldy.
Daşary işler ministri Fidan, sebitdäki söweş sebäpli Palestin meselesiniň ýatdan çykarylmaly däldigini belledi.
Ministr Fidan Türkiýäniň Gazada we Günbatar Şeriada Ysraýyl sebäpli başdan geçirilýän apaty halkara jemgyýetçiliginiň gün tertibine getirmäge dowam dýändigini ýatlatdy.
Hakan Fidan Ysraýylyň Gaza berilýän ynsanperwer kömeginiň sebitiň ýaşaýjylaryna ýetirilmegini bökdemeginiň kabul edilmesizdigine ünsi çekdi.
Fidan, musulman ýurtlarynyň başda durmagynda Palestine goldaw berýän ähli döwletleriň palestine berýän goldawlaryny dowam etdirmeginiň möhümdigini nygtady.
Daşary işler ministri Fidan Türkiýäniň palestin halkynyň Gazadan aýrylmagyny maksat edinýän ähli tagallalara garşy durmagyna dowam etjekdigini ýatlatdy.