Russiýa 2018 Dünýä Kubogyndan soň, milli ýygyndy bilen hoşlaşan ýaponiýaly Keisuke Honda hem oýunçy, hem-de tälimçi boldy. 32 ýaşly ýarymgoragçy çempionatdan soň, Meksikanyň “Paçuka” klubundan Awstraliýanyň “Melburn Wiktori” toparyna geçdi. Şol birwagtyň özünde-de, ýaponiýaly ýyldyz futbolçy Kambojanyň milli ýygyndysynyň tälimçiligine bellendi.
Ol bu barada: — Birnäçe aý ozal, Kambojanyň futbol federasiýasyna milli topara tälim bermek isleýändigimi aýdypdym.Olaram teklibimi kabul etdiler.Muny köp wagtdan bäri arzuw edýärdim.Aslynda, çempionatdan soň, futboly taşlamak isleýärdim. Ýöne “Melburn Wiktori” topary-da şertnama baglaşmagy teklip etdi. Üstesine-de Kambojanyň milli toparynyň tälimçisi bolmagyma-da uly hormat goýdular — diýip, metbugat ýygnanyşygynda aýtdy.
Honda Ýewropada SSKA-da 5, “Milanda-da” 4 ýyl oýnapdy.