Hindistanda aşa köp ýagýan ýagyşlar bilen gelen sil we ýer süýşmesi sebäpli 50 adam ýogaldy.
“Ze Taýmes of India” gazetiniň berýän habaryna görä, ýurduň Himaçal Pradeş sebitinde aşa köp ýagýan ýagyşlar täsirini dowam etdirýär.
Sebitde sil apaty we ýer süýşmesi sebäpli ýogalanlaryň sany soňky 24 sagatda 50 adamdan geçdi.
Tebigy apat sebäpli ýogalanlaryň sanynyň artmagyna alada bildirilýär.
Himaçal Pradeşiň Şimla şäherindäki Şiw ybadathanasynda ýer süýşmesinden soň 14 adamyň jesedi tapyldy.
Himaçal Pradeş we Uttarkand sebitlerinde aşa köp ýagýan ýagyşlaryň dowam etjekdigi sebäpli iki sebit üçin “gyzyl duýduryş” berildi.