Günorta Koreýadan Ji Hen Kwak atly zenan iki ýylda 75 müň dollar toplamagy başardy diýip, Oddity Central neşirine salgylanýan Gazeta.ru ýazýar.
24 ýaşly zenanyň gürrüň bermegine görä, ol aýda iýmite 6 dollar sarp edýär hem-de arzanlaşyk kuponlaryndan peýdalanýar. Onsoňam ol dükandan agyz suwuny satyn almaýar, suwy özi gaýnadyp içýär.
Koreýaly zenan dellekhana gitmeýär, saçyny özi gyrkýar, mugt egin-eşikleri ýörite haýyr-sahawat toplumlaryndan alýar.
Tygşytçyl zenanyň durmuşy köp adamyň ünsüni çekdi, adamlar zenanyň durmuşyny internetden yzarlap, onuň maslahatlaryna eýerýärler.