Rowaýaty amerikan basketbolçysy Maýkl Jordanyň Çikago toparynyň düzüminde Ýuta toparyna garşy Milli basketbol assosiasiýasynyň (NBA) final oýnunda geýen maýkasy Sotheby's söwda-satyk öýi tarapyndan 10,091 million amerikan dollaryna satyldy. Bu barada Gazeta.ru ýazýar.
Bir ýyl mundan öň Jordanyň 1984-nji ýylda NBA-daky ilkinji oýnunda geýen sport aýakgaby 1,472 million dollara satylypdy. Jordan ESPN-niň wersiýasy boýunça taryhda iň gowy basketbol oýunçysy hasaplanýar. Ol iki gezek olimpiýa çempiony, alty gezek NBA-nyň çempionydyr. Basketbolçy Forbes žurnalynyň wersiýasy boýunça taryhda iň köp hak tölenen türgen hasaplanýar.