Almaty şäheriniň Kaýrat futbol topary Gazagystanyň çempionatynyň 12-nji tapgyrynda öz meýdanynda Karagandanyň Şahtýoryny 2:0 hasabynda ýeňdi. Duşuşykdaky gollary Wiktor Wasin bilen Žoao Paulo geçirdi.
Şeýlelikde, Kaýrat alty duşuşyklyk ýeňişsiz tapgyrynyň soňuna çykdy (4 utulyş, 2 deňlik). Topar 16 utuk bilen ýaryş tertibiniň ýedinji basgançagynda barýar. Dokuzynjy orundaky Şahtýorda bolsa 14 utuk bar.
Kaýrata geçen ýylyň awgust aýyndan bäri türkmenistanly hünärmen Gurban Berdiýewiň tälim berip gelýändigini ýatladýarys.