Deňiz syýahatçysy Hristofer Kolumbyň haty “Christie’s” auksionynda 3,71 million ýewro satyldy. Bu hat “De insulis nuper inventus” (“Täze açylan adalarda”) diýlip atlandyrylýar we onda barlag geçirijiniň Hindistan diýip atlandyran adalarynyň topografiýasy we ilaty barada gürrüň berilýär.
Täze Dünýäniň açylyşy baradaky hat, dört sahypadan ybarat bolup, 1493-nji ýylda çap edilipdir. Tekst ispan dilinden latyn diline terjime edilipdir. Kolumb bu haty Korol Ferdinandyň pulçysy Gabriel Sançese ýazypdyr.