Ýewropa ýurtlary täze görnüş koronawirus epidemiýasynda 4-nji tolkuny başdan geçirýär.
ÝB Komissiýasynyň başlygy Ursula fon der Laýen, sosial mediadan beren habarnamasynda, epidemiýa garşy göreşde ýetilen sepgit hakynda maglumat berdi.
Koronawirusa garşy başladylan sanjymlama tapgyrynyň Ýewropada müňlerçe adamy halas edendigine ünsi çeken Laýen, “Täze tolkun bize ýaramaz täsirini ýetirýär, şol sebäpli hem sanjymlama tapgyrynyň depgini güýçlenmeli” diýdi.
ÝB-ne agza ýurtlarda ýeterlik mukdarda sanjymyň bardygyna ünsi çeken Laýen, hepdäniň ahyryna çenli agza ýurtlara jemi 1 milliard doza sanjymyň beriljekdigini gürrüň berdi.