NBA-da 74-nji möwsümiň çempionyny
kesgitlejek final duşuşyklary ertir başlanar. 32-nji gezek finala çykan “LA Leýkers” bilen 6-njy gezek finalda oýnajak
“Maýami Hitiň” arasyndaky 1-nji duşuşyk
ertir ir säher, Aşgabat wagty bilen 06:00-da başlar. 16 çempionlygy bolan “LA Leýkers” finalyň faworiti bolup, olar adaty möwsümdäki 2
duşuşykda-da “Maýami Hitden” üstün
çykmagy başardy. 2 gezek çempionlyk gazanan ozalky topary “Maýami Hitiň” garşysyna çykyş etjek LeBron Jeýms 10-njy gezek finalda oýnar. Bu
duşuşygyň iň esasy aýratynlygy-da geçen möwsümde pleý-off tapgyryna çykyp bilmedik iki toparyň
arasynda oýnaljak ilkinji final duşuşygy bolar. Başgaça aýdylanda, NBA-da
mundan öňki möwsümde pleý-off tapgyryna-da çykyp bilmedik 2 topar täze möwsümde
finalda duşuşar. Bu waka NBA-nyň taryhynda ilkinji gezek duş gelinýär.
Ilkinji 4 duşuşykda ýeňiş gazanan
topar Larry O’Brien
kubogyny eýelär.
Toparlaryň arasyndaky 2-3-4-nji duşuşyklar 3-nji, 4-nji hem-de 7-nji oktýabrda oýnalar. 2-4-nji duşuşyklar 06:00-da,
3-nji duşuşyk bolsa 04:30-da başlar. Toparlar gerek bolan ýagdaýynda-da 10-njy,
12-nji hem-de 14-nji oktýabrda özara 567-nji oýunlary geçiriler. Duşuşyklaryň
ählisi-de Florida ştatyndaky “The Arena” desgasynda oýnalar.