Liwanda Ysraýylyň guran hüjümlerinde azyndan 254 adamyň ýogalmagy we 1165 adamyň ýaralanmagy sebäpli 1 günlük milli ýas yglan edildi.
Liwanyň howpsuzlyk gullugyna görä, Tel-Awiwiň wagşyçylykly hüjümlerinde köp sanly adamyň ýogalandygy ýatladyldy.
Baalbek, Nabatiýe, Sidon we Tire etraplarynda uly adam pidasynyň çekilendigi nygtaldy.
Liwanyň Premýer-ministri Newwaf Selam ylalaşyk tagallalaryna garamazdan Ysraýyly asuda ilaty nyşana almakda günäkärledi.
Liwan 2024-nji ýylyň noýabr aýynda hüjümleriň bes edilmegi meselesinde gazanylan ylalaşyga garamazdan Ysraýylyň 15 aýdan bäri ylalaşygy bozmaga dowam edýändigine ünsi çekdi.
Beýleki tarapdan Ysraýylyň Baş ştabynyň başlygy Eýal Zamir, harby goşunyň hüjümlerini dowam etdirjekdigini mälim etdi.
Ysraýylyň harby goşuny Beýrut we Bekaa jülgesi bilen birlikde 10 minutda Liwanda 100-den gowrak nokada hüjüm gurandyklaryny habar berdi.