Soňky ýyllarda tehnologiýanyň ösmegi bilen maglumat geçirijilik tizligi barha artýar Şeýle bolansoň, bu ugurda ýygy-ýygydan rekord täzelenýär. Ýarymgeçiriji önümçiliginde dünýäniň öňdebaryjy kompaniýalary bolan Intel hem-de Broadcom maglumat iberijiliginde täze sepgide ýetdiler.
Taýýarlanan täze standarda laýyklykda, “Wi-Fi 7” (Wi-Fi ülňüsiniň 7-nji nesli) tehnologiýasy maglumat iberijiligiň tizligini sekuntda 5 GB-a ýetirmäge mümkinçilik berýär.Bu görkeziji howa arkaly maglumat geçirmekde “Wi-Fi 6”-dakydan 5 esse ýokarydyr.
Bu tehnologiýa üç ölçegli şekilleri hödürleýän hyýaly hakykat enjamlaryny bökdençsiz ulanmaga mümkinçilik berer.Mundan başga-da täze tehnologiýa 16k durulygynda wideoýazgylary döretmäge hem mümkinçilik berer.Täze tehnologiýanyň 2024-nji ýylda söwda maksatly önümçilige goýberilmegine garaşylýar.
Mergen Selimow, Türkmen döwlet binagärlik-gurluşyk institutunyň talyby