Mundan öňki tapgyrda “Mançester Sitini” öz meýdançasynda 4-1 hasap bilen ýeňen “Sporting” bu gezek “Arsenaldan” 5-1 hasabynda asgyn geldi. Lissabonda oýnalan duşuşykda “Arsenalyň” gollaryny Martinelli (7), Hawerts (22), Gabriel (45+1), Saka (65 p) hem-de Trossar (82) geçirdi. Ýer eýeleriniň ýeke-täk goluny bolsa 47-nji minutda Inasio öz adyna ýazdyrdy.
Geçen möwsümiň ýeňlişsiz tamamlan “Baýer” öz meýdançasynda “Red Bull Salsburgy” 5-0 hasap bilen ýeňip, garşydaşyny derbi-dagyn etdi. Wirtsiň 2 gol (8 p, 30) geçiren oýnunda beýleki gollary Grimaldo (11), Patrik Şik (61) hem-de Aleiks Garsiýa (72) derwezä girizdi.