14-15-nji sentýabrda Duşanbe şäherinde geçiriljek Merkezi Aziýa döwletleriniň Baştutanlarynyň Konsultatiw duşuşygynyň jemi boýunça resminama toplumlarynyň bäşisine gol çekilmegine garaşylýar.
Muny Täjigistanyň Daşary işler ministriniň orunbasary Sodik Imomi çarşenbe güni geçirilen metbugat ýygnagynda mälim etdi diýip, nCa internet portaly habar berdi.
Duşuşykda gol çekiljek resminamalaryň arasynda şular bar:
Ondan öň — 13-nji sentýabrda sebitiň ýurtlarynyň daşary işler ministrleriniň duşuşygy geçiriler diýip, çeşme Täjigistanyň Howar Milli habar gullugyna salgylanyp habar berýär.
Şeýle hem Merkezi Aziýa döwletleriniň haryt öndürijileriniň sergisi, Dostluk agşamy dabaraly gala konserti, Ykdysady forum, ÝOM-laryň rektorlarynyň ikinji forumy, ulag ministrleriniň ilkinji duşuşygy, Zenan ýolbaşçylaryň dialogynyň agzalarynyň sebitleýin duşuşygy, suratkeşleriň sergisi, milli tagamlar festiwaly, ýaşlar forumy, halkara ylmy konferensiýa, birnäçe medeni-köpçülikleýin we sport çäreleri meýilleşdirilýär.