29-njy sentýabrda Germaniýanyň Prezidenti Frank-Walter Ştaýnmaýeriň çakylygy boýunça Merkezi Aziýa ýurtlarynyň Prezidentleri Berline iş sapary bilen bararlar.
Germaniýanyň Prezidentiniň Metbugat gullugynyň habar bermegine görä, Berlinde Merkezi Aziýa + Germaniýa görnüşinde Prezidentleriň derjesinde duşuşyk geçiriler. Duşuşygyň dowamynda köptaraplaýyn hyzmatdaşlygyň ileri tutulýan ugurlary barada maslahatlaşylar, şeýle-de sebit we halkara gün tertibiniň meseleleri boýunça pikir alşylar.
Turkmenportalyň ozal habar berşi ýaly, 19-nji sentýabrda Birleşen Milletler Guramasynyň Baş Assambleýasynyň 78-nji mejlisiniň çäklerinde Merkezi Aziýa ýurtlarynyň Prezidentleri bilen Amerikanyň Birleşen Ştatlarynyň Prezidenti С5+1 görnüşdäki köptaraplaýyn hyzmatdaşlygynyň birinji duşuşygyny geçirdiler.