Eýranyň milli ýygyndysynyň hüjümçisi Mehdi Taremi Merkezi Aziýa Futbol Assosiasiýasynyň Milletler Kubogynyň toparçasynda iň köp gol geçiren oýunçy boldy.
Porto-nyň 30 ýaşly hüjümçisi toparçalaýyn tapgyrda bolan iki oýunda 6 gol geçirip, Eýrany ilkinji gezek CAFA Milletler Kubogy-2023 ýaryşynyň finalyna çykardy. Milli ýygyndy toparçada Owganystany (6:1) we Gyrgyzystany (5:1) utdy.
Öň habar beriş serişdelerinde Milanyň hüjümini güýçlendirmek üçin mümkinçilik gözleýändigi barada maglumatlar ýaýrapdy. Dalaşgärleriň biri hökmünde hem Porto-nyň hüjümçisi Mehdi Taremi görkezilýär.
Eýranyň we Özbegistanyň milli ýygyndy toparlarynyň arasynda boljak CAFA-2023 Milletler Kubogynyň finaly 20-nji iýunda Daşkentdäki Bunýodkor stadionynda geçiriler. Ýaýlyma alyp görkeziliş Aşgabat wagty 20:30-da başlar.