Eýran Yslam Respublikasy parahatçylykly baýlaşdyrmak hukugyndan asla ýüz öwürmejekdigini mälim etdi.
Pars Today -iň habaryna görä, Eýran Yslam Respublikasynyň Birleşen Milletler Guramasynyň Ženewadaky wekilhanasyndaky ilçisi we hemişelik wekili Ali Bahreini 20-nji ýanwarda ýaragsyzlanmak konferensiýasynyň mejlisinde Tähranyň parahatçylykly baýlaşdyrmak hukugyndan asla ýüz öwürmejekdigini aýtdy.
Ol ABŞ we Ysraýyl režiminiň Eýranyň ýadro desgalaryna eden soňky hüjümlerini ýazgaryp, bu hereketleri Birleşen Milletler Guramasynyň Hartiýasynyň, halkara hukugynyň aç-açan bozulmagy we ýadro ýaraglaryny ýaýratmazlyk şertnamasyna (NPT) çynlakaý zarba hökmünde häsiýetlendirdi.
Bahreýni 2025-nji ýyldaky wakalara ünsi çekip, Ysraýyl režiminiň 13-nji iýunda Eýran Yslam Respublikasynyň territorial bitewiligine we syýasy garaşsyzlygyna eden hüjümini "bikanun, bilkastlaýyn we halkara hukugynyň kadalaryny bozmak" diýip häsiýetlendirmek bilen "bu agressiýadan soň, 22-nji iýunda Amerikanyň Birleşen Ştatlary NPT şertnamasyna agza däl režim bilen utgaşyp, Eýranyň Fordow, Natanz we Isfahan şäherindäki goralýan ýadro desgalaryny nyşana aldy, bu halkara parahatçylyga we howpsuzlyga we ýarag ýaýratmazlyk şertnamasyna (NPT) çynlakaý howp döredýär diýdi."
Eýranyň parahatçylykly baýlaşdyrmak hukugynda tutanýerliligi kanuny ýörelgelerden, strategiki zerurlyklardan, taryhy tejribelerden we howpsuzlyk pikirlerinden gözbaş alýar. Bu mesele wagtlaýyn talap däl-de, eýsem Eýranyň halkara arenasyndaky kanuny we syýasy şahsyýetiniň bir bölegidir.
Munuň tersine, Günbatar ýurtlary Eýranyň ýadro maksatnamasynyň harby maksatlara gönükdirilmegi ähtimallygy barada öňe sürmek bilen bu hukugy çäklendirmäge synanyşýarlar; halkara hukugy we tehniki faktlar nukdaýnazaryndan bu talaplar kabul edip bolmajak talaplardyr.