"Pari Sen-Žermeniň" hüjümçisi Neýmar Braziliýanyň futbol boýunça milli ýygyndysynyň Dünýä çempionaty 2022-niň saýlama tapgyrynda Wenesuela we Urugwaý bilen boljak oýunlaryny sypdyrmaly bolar. Bu barada "Globo Esporte" salgylanyp, RIA Nowosti habar berýär.
Braziliýaly hüjümçi 28-nji oktýabrda Çempionlar ligasynda Türkiýäniň "Stambul Başakşehir" toparyna ("PSŽ" 2-0 hasabynda ýeňdi) garşy duşuşykda şikes aldy. 28 ýaşly hüjümçiniň noýabr aýynyň ikinji ýarymynda oýnap biljekdigi habar berildi.
Penşenbe güni Braziliýanyň milli ýygyndysynyň ýerleşýän ýeri bolan San-Pauloda geçirilen lukmançylyk barlagy oýunçynyň Urugwaý bilen boljak oýna çenli but myşsasynyň şikesinden gutulyp bilmejekdigini görkezdi.Netijede, Neýmar nobatdaky oýna gatnaşjaklaryň sanawyna goşulmady.
Braziliýanyň milli ýygyndysy 2022-nji ýyldaky Dünýä çempionatynyň saýlama tapgyrynda Wenesuelanyň (14-nji noýabr) we Urugwaýyň (18-nji noýabr) ýygyndylary bilen duşuşar.