Russiýaly tennisçi Daniil Medwedew baýrak gaznasy 2,6 mln ýewro bolan Parižde geçirilen “Masters” tapgyrynyň finalynda serbiýaly Nowak Jokowiçden utuldy. Bu barada RIA Nowosti habar berýär.
Dünýäniň ilkinji raketkasy Jokowiç 4:6, 6:3, 6:3 hasap bilen Professional tennisçileriň assosiasiýasynyň sanawynda (ATP) ikinji orny eýeleýän Medwedewden güýçli boldy. Oýun 2 sagat 15 minut dowam etdi.
Tennisçileriň şahsy duşuşyklarynyň hasaby Jokowiçiň peýdasyna 6-4 boldy. Geçen ýyl Parižde geçirilen “Mastersiň” ýeňijisi Medwedew sentýabr aýynda ABŞ-nyň Açyk çempionatynyň finalynda Jokowiçi utdy.
Jokowiç üçin bu şu ýylda bäşinji ATP tituly boldy. Serbiýaly tennisçi karýerasynda 6-njy gezek Pariždäki “Mastersde” ýeňiş gazandy.