Omanyň paýtagty Maskat şäheriniň halkara howa menzilinde Hindistanyň Air India Express awiakompaniýasynyň uçarynyň ýanmagyndan 14 adam ejir çekdi. Bu barada Time of Oman habarlar gullugyna salgylanyp, Ren.tv habar berdi.
Wideoşekillerde uçaryň tüsseleýändigi we ony öçürjek boluşlary görünýär, şeýle-de uçardan ýolagçylar gaçýarlar.
Uçar 14-nji sentýabrda irden Hindistanyň Koçin şäherine uçmalydy, ol uçuş-gonuş zolagyna tarap ugur alýarka, tüsseläp başlady.
Omanyň raýat awiasiýasy edarasy wakanyň sebäbiniň derňelýändigini habar berdi.