Pakistanyň Buluçistan welaýatynda polisiýa ulagyna guralan hüjümde 9 polisiýa işgäri ýogaldy, 11-i ýaralandy.
Dawn gazetinde berlen habara görä, Kaççi we Sibi etraplarynyň serhedinde ýerleşýän Bolan köprüsinde polisiýa ulagyna kamikaze hüjümi guraldy.
Hüjümde 9 polisiýa işgäri ýogaldy, 11-i ýaralandy.
Hüjümiň jogapkärçiligini heniz öz üstüne alan bolmady.
Pakistanyň esasan Haýber Pahtunwa we Buluçistan welaýatynda soňky aýlarda guralýan terrorçylykly hüjümler artdy.
Pakistanyň hökümeti şol hüjümleriň Owganystana ornaşan Pakistan Talibany TTP tarapyndan guralýandygyny öňe sürýär. Owganystan bolsa şol garaýyşlary ret edýär.
Pakistanyň Peşawer şäherinde 30-njy ýanwarda metjide guralan hüjümde esasy bölegi polisiýa işgärlerinden ybarat 102 adam ýogalypdy.