Russiýanyň hökümediniň metbugat geňeşçisi Dmitriý Peskow, Ysraýylyň Liwana garşy guraýan hüjümleri bilen baglanşykly Ýakyn Gündogardaky ýagdaýyň örän howpludygyny we aladalandyryjydygyny beýan etdi.
Dmitriý Peskow paýtagt Moskwa şäherinde metbugat işgärlerine Ysraýylyň Liwana garşy guraýan hüjümleri we Ýakyn Gündogardaky ýagdaý barada beýanat berdi.
Ýakyn Gündogarda häzirki wagtda islendik çözgüt mümkinçiligini aýtmagyň kyndygyny aýdan Peskow, çözüwiň ýeke täk bir ýurduň monopoliýasyndadygyny beýan etdi.
Peskow: "Parahatçylyga barýan ýol ýurtlaryň biriniň monopoliýasyndadyr we şu wagta çenli netije alyp bolmady. Häzirki wagtda haýsydyr bir mümkinçiligi kesgitläp bilmeris. Bu bolsa ýagdaýy has hem howply ýagdaýa getirýär" diýip belledi.
Peskow çaknyşyklaryň ýaýbaňlanmagynyň sebiti dolulygyna durnuksyzlaşdyrmagyna sebäp boljakdygyny aýdyp: "Elbetde bu biziň üçin gaty aladaly ýagdaýdyr" diýip nygtady.