Siriýanyň Deýr-ez-Zor welaýatynyň günorta-gündogaryndaky Aşşara diýilýän ýerde ekstremist terror guramasy ÝPG/PKK bilen Asada tabynlykdaky güýçleriň arasynda bolan ýaragly çaknyşykda asuda ilatdan 3 adam ýogaldy.
Ýerli çeşmelerden alynan maglumata görä, düýn Aşşara sebitinde Ýewfrat derýasynyň gündogar kenaryndan günbatar kenaryna ýangyç kontrabandasyny edän topar sebäpli ekstremist terror guramasy ÝPG/PKK bilen Asada tabynlykdaky güýçleriň arasynda güýçli çaknyşyklar boldy.
Terror guramasy ÝPG/PKK, Ýewfrat derýasynyň üsti bilen Jurzi obasyndan Deblan obasyna ýangyç gaçakçylygyny edýän topara garşy operasiýa gurady.
Ady agzalan topar Asada tabynlykdaky güýçleriň gözegçiligi astyndaky Deblan obasyna gaçdy.
ÝPG/PKK-nyň şol topara od açmagy we Asada tabynlykdaky güýçleriň olara garşylyk görkezmegi netijesinde çaknyşyk başlady.
Ýaragly çaknyşyklaryň netijesinde Ýewfrat derýasynyň günbatarynda Asada tabynlykdaky güýçleriň gözegçiligindäki Deblan we Greýbe obasyndan 2-si çaga we 1-i zenan asuda ilatdan 3 adam ýogaldy.
Çaknyşyklaryň güýçlenmegi sebäpli ÝPG/PKK-nyň gözegçiligindäki Jurzi, Süweýdan we Abu Hardub obalary bilen Asada tabynlykdaky güýçleriň gözegçiligi astyndaky Deblan we Greýba obalaryndan onlarça adam öýlerini terk etmäge mejbur galdy.