Londonyň “Çelsi” futbol klubunyň eýesi Roman Abramowiç kluby satmak kararyna geldi. Bu barada “Çelsiniň” metbugat gullugy habar berýär diýip, TASS belleýär.
Abramowiç “Çelsini” öňki eýesi Ken Beýtsden 2003-nji ýylda, takmynan, 140 mln funt sterlinge (şol wagtky hümmet boýunça takmynan, $233 mln) satyn aldy.Abramowiçiň ýolbaşçylyk eden döwründe “Çelsi” bäş gezek Angliýanyň çempiony, bäş gezek Angliýanyň Kubogynyň, üç gezek Angliýanyň ligasynyň kubogynyň we iki gezek ýurduň Super kubogynyň eýesi, iki gezek Çempionlar ligasynyň (2012, 2021) we Ýewropa ligasynyň (2013, 2019) ýeňijisi boldy. 2021-nji ýylda topar UEFA-nyň Super kubogynda we Klublaýyn dünýä çempionatynda ýeňiji boldy.