Nusgawy nakgaş Leonardo da Winçiniň eseri hasaplanýan Dünýäniň halasgäri üçin Saud Arabystanynda aýratyn surat galereýasy gurlar diýip, The Times britan neşirine salgylanyp, MIR 24 habar berdi.
Sungaty öwreniji Martin Kemp neşire beren beýanatynda golaýda Saudyň mirasdüşer şazadasy Muhammed bin Salman Al Saudyň çakylygy boýunça ady tutulan sungat eserini ara alyp maslahatlaşmak üçin Patyşalyga barandygyny gürrüň berdi. Sungaty öwreniji eseriň ýene iki ýyldan gurlup taýýar ediljek galereýada goýuljakdygyny sözüniň üstüne goşdy.
Habar beriş serişdeleriniň maglumatlaryna görä, Dünýäniň halasgäri nakgaşlyk eserini Saud Arabystanyň tagt mirasdüşeri satyn alyp, özüniň ýeňilgämisinde ýerleşdiripdir. Öň suraty sergilemek meselesi birnäçe muzeýler tarapyndan ara alnyp maslahatlaşylypdyr, emma olar polotnony Galkynyş döwrüniň ussat nakgaşynyň eseri hökmünde görkezmek barada anyk karara gelip bilmändirler.