"Barselonanyň" we Argentinanyň milli ýygyndysynyň 33 ýaşly hüjümçisi Serhio Aguero özüniň karýerasyny tamamlaýandygy barada resmi taýdan yglan etdi. Bu barada BetON habar berdi.
Ýadymyzda bolsa, 30-njy oktýabrda La Liganyň 11-nji aýlawynyň “Alawes” (1:1) bilen geçirilen oýnunda argentinaly oýunçynyň saglygy birden ýaramazlaşdy. Serhio meýdançanyň daşyna çykarylyp, onuň ýerine başga oýunçy girdi. Şondan soň oňa ýürek aritmi diagnozy goýuldy. Lukmanlar futbolça professional sportdan ýüz öwürmegi maslahat berdiler.
Aguero "Barselona" tomusda geçipdi. Ondan öň ol 10 ýyllap "Mançester Siti" toparynda çykyş etdi.