Şanhaý Hyzmatdaşlyk Guramasynda özara hasaplaşyklarda dollardan agza ýurtlaryň milli pullaryna geçmek boýunça Ýol kartasy işlenip düzülýär. Häzirlikçe ýeke-täk puly ulanmak barada pikir ýok diýip, guramanyň Baş sekretarynyň orunbasary Grigoriý Logwinow habar berdi diýip, Interfax.ru ýazýar.
Logwinow bu barada Belarus 1 döwlet teleýaýlymyna beren interwýusynda aýtdy.
Ol şeýle-de, dollardan doly ýüz öwürmek üçin köp işlemelidigini hem-de uzak ýol geçmelidigini belledi. ŞHG-niň bitewi pul birligi barada aýdylanda, şeýle maksat heniz ýok. Galanyny wagt görkezer diýip, baş sekretaryň orunbasary sözüniň üstüni ýetirdi.