Türkmenistanyň Döwlet haryt-çig mal biržasynda (TDHÇMB) penşenbe güni geçirilen söwdalaryň jemi bahasy 27 million 92 müň 580 manada deň boldy. Bu barada TDHÇMB habar berýär.
Içerki bazar üçin ýerli telekeçiler “Türkmennebit” DK-nyň kärhanalarynda öndürilen nebit koksuny we türkmen telekeçisi tarapyndan öndürilen pagta ýüplügini satyn aldylar.
Owganystanyň we Gruziýanyň işewür toparlarynyň wekilleri bolsa “B” kysymly karbamidi hem-de pagta süýümini satyn alyp, geleşikleriň umumy möçberi 1 million 906 müň 450 ABŞ dollaryna deň boldy.
1994-nji ýylda döredilen TDHÇMB Türkmenistandaky eksport-import amallary düzgünleşdirýän esasy edara bolup durýar.
Neşirimize ýazylmak üçin:
Instagram: Biznes Türkmenistan
X: Biznes Türkmenistan
Dzen: Бизнес Туркменистан