Şu gün, 10-njy iýunda Türkmenistanyň Futbol federasiýasynyň (TFF) Kubogyny almak ugrundaky ýaryşyň 3-nji tapgyrynyň duşuşyklary geçirildi. Bu barada TFF-niň resmi saýty habar berýär.
Onuň netijesinde ýaryş tertibiniň öňbaşçylary “Merw” hem-de “Altyn Asyr” toparlary nobatdaky ýeňişlerini gazandylar. Bu tapgyryň çäginde “Merw” “Energetigi” ýeňlişe sezewar etse (2:1), “Altyn Asyr” “Şagadamdan” üstün çykdy 2:0.
Tapgyryň ýene-de bir duşuşygynda “Ahal” “Aşgabady” ýeňmegi başardy 4:0.
Şeýlelikde, geçirilen duşuşyklardan soň “Merw” bilen “Altyn Asyr” toparlary toplan 9 utuklary bilen ýaryş tertibinde ýokarky orunlary eýeleýärler.
TFF-niň Kubogynyň üçünji tapgyrynyň duşuşyklary 12-nji iýunda geçiriler: “Ahal” - “Merw”, “Altyn Asyr” - “Energetik”, “Aşgabat” - “Şagadam”.
3-nji tapgyryň duşuşyklary:
“Aşgabat” “Ahal” 0:4
Gollar: 48 Daýanç Meredow, 57 Döwran Hojamämmedow, 84 Adylbek Röwşenow, 88 Begenç Mämiýew (“Ahal”)
Geçirilen ýeri: Bagyr ýaşaýyş toplumynyň stadiony (Aşgabat ş.)
“Şagadam” “Altyn Asyr” 0:2
Gollar: 45+2 Söhbet Durdyýew, 90+5 Röwşen Halmämmedow (“Altyn Asyr”)
Geçirilen ýeri: “Sport toplumy” stadiony (Aşgabat ş.; Büzmeýin etr.)
“Energetik” “Merw” 1:2
Gollar: 47 Reşit Çerkezow (“Energetik”) 48 Musa Nurnazarow, 84 Myrat Öwezmyradow (“Merw”)
Bellik: “Merw” toparynyň oýunçysy Alibek Abdyrahmanow duşuşygyň 18-nji minutynda 11 metrlik jerime urgusyny dürs ýerine ýetirip bilmedi.
Geçirilýän ýeri: “Babarap” stadiony (Ahal wel.)
Ýaryş tablisasy: