Gazagystanda wagtyndan öň geçiriljek Prezident saýlawlary 2022-nji ýylyň güýzünde bolar, 2023-nji ýylyň birinji ýarymynda bolsa parlament saýlawlary geçiriler. Bu barada Gazagystanyň Prezidenti Kasym-Žomart Tokaýew şu gün öz halkyna ýüzlenip aýtdy.
Respublikanyň Baştutany 2023-nji ýylyň ortalarynda Gazagystan Respublikasynyň syýasy taýdan täzeçe guraljakdygyny nygtady.
Tokaýew: Meniň üçin döwletiň bähbitleri hemme zatdan ýokary, şonuň üçin öz iş möhletimiň gysgaldylmagyna garamazdan, wagtyndan öň geçiriljek Prezident saýlawlarynyň geçirilmegini makul hasaplaýaryn diýdi.
2019-njy ýylyň 19-njy martynda Gazagystanyň ilkinji Prezidenti Nursultan Nazarbaýew döwlet Baştutany wezipesinden çekildi. Ertesi gün Gazagystanyň Senatynyň (Mejlisiň ýokarky palatasy) öňki başlygy Kasym-Žomart Tokaýew kasam kabul edip, ýurduň Prezidenti wezipesine girişdi. Gazagystanda 2019-njy ýylyň 9-njy iýunynda wagtyndan öň Prezident saýlawlary geçirildi we Tokaýewiň 70,96% ses aldy.
Respublikada Prezident saýlawlary her bäş ýylda bir gezek geçirilýärdi.